OA.is    

Getur þú ekki hætt að borða?

Hefur þú reynt mörg líkamsræktarátök og megrunarkúra en ferð alltaf í sama farið? 
OA hefur lausn fyrir þig! Vertu velkomin á fund hjá okkur. Það er tekið vel á móti nýliðum á öllum fundunum í fundarskránni okkar. 

Er matur vandamál hjá þér?

Matarfíkn getur verið stórt vandamál í lífi fólks. OA samtökin hafa lausn við þessu vandamáli sem byggir á 12 sporakerfi AA samtakanna. OA félagar eru karlar og konur á öllum aldri um allan heim sem eiga sér þá ósk að halda sér frá matarfíkn og vilja bera boðskap samtakanna um bata áfram til þeirra sem enn þjást.

OA er ekki megrunarklúbbur og setur engin skilyrði um þyngdartap. Með því að viðurkenna vanmátt okkar gagnvart mat, og að kasta frá sér þeirri hugsun að maður þurfi á "viljastyrk" að halda til að stjórna áti sínu, verður maður fær um að halda sig frá ofáti - einn dag í einu. 

Á þessari síðu getur þú komist að því hvort þú eigir við matarfíkn að stríða. Hér er hægt að taka sjálfspróf til að kanna hvort OA sé eitthvað fyrir þig. Einnig er hægt að lesa reynslusögurnar hérna á síðunni til að sjá hvort þú þekkir eitthvað í sögu þeirra OA félaga sem hafa sagt sögu sína.

Ef þú vilt vita meira, ert þú boðin/n velkomin/n á fund hjá OA. Á fundum er algjör trúnaður, þ.e. þegar fundinum er lokið er ekki rætt um hverjir voru á fundunum eða hvað þeir sögðu þar. Það kostar ekkert að fara á fundi og þú ert velkomin/n á hvaða fund sem er á fundarskránni okkar.

Þér er einnig velkomið að skrifa til okkar á netfangið oa@oa.is ef einhverjar spurningar vakna.